Ministri në detyrë i Bujqësisë, Faton Peci, tha se është e papranueshme që partitë opozitare të kontestojnë të drejtën që Lëvizja Vetëvendosje ka për të pasur kryetarin e Kuvendit, pasi kjo e drejtë i është dhënë nga qytetarët.

Ai tha se interpretimi i Gjykatës Kushtetuese është i qartë dhe se duhet respektuar vullneti i popullit.

“Populli i ka dhënë të drejtën Lëvizjes Vetëvendosje që ta ketë kryetarin e Kuvendit. Është e papranueshme që partitë opozitare të thonë se këtë të drejtë që iu ka dhënë qytetari dhe interpretimi i Gjykatës Kushtetuese, na lejoni neve që ne të kemi të drejtën të zgjedhim se kush duhet të jetë kryetari i Kuvendit,” tha Peci.

Ai gjithashtu theksoi mbështetjen nga 9 deputetë të komuniteteve joshumicë, të cilët po i japin përkrahje këtij vullneti qytetar të shprehur më 9 shkurt.